Camamiho(-fèro)
Matricaria chamomilla
Asteraceae Compositae
Àutri noum : Camamièli, Camamièri, Camoumiho, Camamido, Camoumido.
Noms en français : Camomille allemande, Camomille vraie.
Descripcioun :La camamiho-fèro es uno planto raro au nostre, trachis dins li relarg umide e en plen soulèu. La planto es óudouranto e sènso péu. Li petalo dóu deforo (ligulo blanco) retoumbon rapidamen après la flourido. Se penso qu'es uno planto d'óurigino asiatico (arqueoufito) vengudo emé li gran de blad. La planto èi proutejido sus listo roujo, categourìo LC, es à dire soucit minour.
Usanço :A d'usanço proche de la grando camoumiho. Se saup proun qu'ajudo à dourmi (sedativo), qu'èi bono contro li mau d'estoumac e lou raumas. Se counèis de prouprieta anti-enflamativo e anti-óussidanto. Es estado proun utilisado contro li reglo doulourouso ("Matricaria").
Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Matricaria
Famiho : Asteraceae
Famiho classico : Compositae
Tribu : Anthemideae
Ordre : Asterales
Coulour de la flour :
Blanco Jauno
Petalo : >6
Ø (o loungour) flour : 2 à 3 cm
Flourido : Printèms
- Estiéu
Sòu : Ca
Autour basso e auto : 0 à 1200 m
Aparado : Noun
Abriéu à juliet
Liò : Ermas
- Escoumbre e proche dis oustau
- Relarg umide
Estànci : Mesoumediterran à Mountagnard
Couroulougi : Óurigino asiatico
Ref. sc. : Matricaria chamomilla L., 1753
(= Matricaria recutita L., 1753 )
Arnigo
Genista pilosa
Fabaceae Leguminosae
Àutri noum : Ginèsta-fèro, Genèsto, Ginèsto.
Noms en français : Genêt poilu, Genêt velu.
Descripcioun :Aquelo genèsto, souvènti-fes couchado au sòu, se recounèis majamen à si péu (d'aqui que vèn lou noum). N'i'a d'en pertout e peréu sus li petalo. Aregardas que poun ges au contro de la Genèsto(-de-Villars).
Usanço :D'ùni genèsto caupon d'alcalouïdo empouisounant pèr lou cor e li tarnavello, n'en sabèn pas mai sus l'arnigo.
Port : Pichoto planto lignouso
Taio : 10 à 30(100) cm
Fueio : alterno
Tipe bioulougico : Camefite
Cicle bioulougico : Planto renadivo
Gènre : Genista
Famiho : Fabaceae
Famiho classico : Leguminosae
Ordre : Fabales
Coulour de la flour :
Jauno
Petalo : irreguliero
Ø (o loungour) flour : 0,5 à 1 cm
Flourido : Printèms
Sòu : Ca
Autour basso e auto :
Pancaro entresigna
Aparado : Noun
Liò : Tepiero
- Roucaio
- Garrigo
- Colo
Estànci : Mesoumediterran à Mountagnard
Couroulougi : Éuroupenco
Ref. sc. : Genista pilosa L., 1753
